پاکستان میں کورونا سے مزید 7 اموات، مجموعی ہلاکتیں 145 اور کیسز 7741 ہوگئے

ملک بھر سے آج کورونا کے مزید 337 کیسز رپورٹ ہوئے اور 7 ہلاکتیں بھی سامنے آئیںپاکستان میں کورونا وائرس سے آج مزید 7 افراد جاں بحق ہوگئے جس کے بعد ہلاکتوں کی مجموعی تعداد 145 ہوگئی جب کہ نئے کیسز سامنے آنے کے بعد متاثرہ مریضوں کی تعداد 7741 تک پہنچ گئی۔

ملک میں ہونے والی 145 ہلاکتوں میں سے سب سے زیادہ 50 ہلاکتیں خیبرپختونخوا میں ہوئی ہیں جب کہ سندھ میں 48 ، پنجاب 37 ، بلوچستان 5 ، گلگت 3 اور اسلام آباد میں 2 ہلاکت ہوچکی ہے۔آج بروز ہفتہ ملک میں کورونا کے مزید 337کیسز رپورٹ ہوئے اور 7 ہلاکتیں بھی سامنے آئیں۔آج خیبرپختونخوا سے 84 کیسز 5 ہلاکتیں، سندھ 138 کیسز ایک ہلاکت، پنجاب 74 کیسز، بلوچستان 25 ، گلگت سے 7 اور اسلام آباد سے مزید 9 کیسز اور ایک ہلاکت رپورٹ ہوئی ہے۔