ملک میں کورونا سے مزید 6 اموات، ہلاکتیں 71 ہوگئیں، مجموعی کیسز 4792 تک پہنچ گئے

آج ملک بھر سے اب تک کورونا وائرس کے 295 کیسز سامنے آچکے ہیں جب کہ 6 ہلاکتیں بھی رپورٹ ہوئیں

کورونا وائرس سے آج مزید 6 افراد جاں بحق ہوگئے جس کے بعد ہلاکتوں کی مجموعی تعداد 71 ہوگئی جب کہ مزید نئے کیسز سامنے آنے کے بعد متاثرہ افراد کی مجموعی تعداد 4792 تک پہنچ گئی ہے۔

ملک بھر میں اب تک کورونا سے ہونے والی 71 ہلاکتوں میں سے خیبرپختونخوا میں 25، سندھ میں 22 جب کہ پنجاب میں 18 ہلاکتیں ہوچکی ہیں۔اس کے علاوہ گلگت بلتستان میں 3 ، بلوچستان 2 اور اسلام آباد میں ایک ہلاکت ہوئی ہے۔آج بروز جمعہ ملک میں کورونا وائرس کے مزید 295 کیسز رپورٹ ہوئے اور 6 ہلاکتیں بھی سامنے آئیں جن میں سے 5 خیبرپختونخوا اور ایک سندھ سے رپورٹ ہوئی۔

آج سندھ میں 86 نئے کیسز، پنجاب میں 112کیسز، خیبرپختونخوا میں 96 کیسز اور بلوچستان میں ایک کیس سامنے آیا ہے۔