ملک میں کورونا سے مزید 4 اموات، مجموعی ہلاکتیں 138 اور کیسز 7404 ہوگئے

آج ملک بھر سے کورونا وائرس کے 386 کیسز سامنے آئے ہیں اور 4 ہلاکتیں بھی رپورٹ ہوئی ہیں۔پاکستان میں کورونا وائرس سے آج مزید 4 ہلاکتیں ہوئیں جس کے بعد ہلاکتوں کی مجموعی تعداد 138 ہوگئی جب کہ نئے کیسز سامنے آنے کے بعد متاثرہ مریضوں کی تعداد 7404 تک پہنچ گئی۔ملک میں ہونے والی 138 ہلاکتوں میں سے سب سے زیادہ سندھ میں 47 اور خیبرپختونخوا میں 45 ہلاکتیں ہوئی ہیں۔ اس کے علاوہ پنجاب میں 37 ، بلوچستان میں 5 ، گلگت 3 اور اسلام آباد میں ایک ہلاکت ہوچکی ہے۔
آج بروز جمعہ ملک میں اب تک کورونا کے مزید 386کیسز رپورٹ ہوئے ہیں اور 4 ہلاکتیں بھی سامنے آئی ہے۔آج سندھ میں 209 کیسز اور 2 ہلاکتیں، پنجاب 115کیسز 2 ہلاکتیں ، بلوچستان میں 46 کیسز، اسلام آباد سے 9 ، گلگت بلستان میں 5 اور آزاد کشمیر سے 2 کیسز رپورٹ ہوئے۔