ملک میں آج کورونا سے مزید 5 اموات، ہلاکتیں 96 اور متاثرہ مریضوں کی تعداد 5543 ہو گئی

ملک بھر سے آج کورونا کے مزید 311 کیسز سامنے آئے اور 5 ہلاکتیں بھی رپورٹ ہوئیں  پاکستان میں آج کورونا وائرس سے مزید5 افراد جاں بحق ہو گئے جس کے بعد ہلاکتوں کی مجموعی تعداد 96 ہوگئی جب کہ نئے کیسز سامنے آنے کے بعد متاثرہ مریضوں کی تعداد 5543 تک پہنچ گئی۔ لک میں ہونے والی 95 ہلاکتوں میں سے سب سے زیادہ خیبرپختونخوا میں 34، سندھ 31 اور پنجاب میں 24 ہلاکتیں ہوئی ہیں۔ اس کے علاوہ بلوچستان میں 2، گلگت 3 اور اسلام آباد میں ایک ہلاکت ہوچکی ہے۔ آج ملک میں اب تک کورونا کے مزید 311 کیسز سامنے آئے ہیں اور 5 ہلاکتیں بھی رپورٹ ہوئی ہیں۔

آج اب تک پنجاب میں 192 کیسز اور 3 ہلاکتیں، سندھ میں 41 کیسز ایک ہلاکت، خیبر پختونخوا میں 56 کیسز ایک ہلاکت، گلگت بلتستان میں 9 کیسز، بلوچستان ایک جب کہ اسلام آباد میں 12 کیسز رپورٹ ہوئے ہیں۔