امریکی ٹی وی سیریز میں پاکستانی فنکار کی انٹری

امریکی ٹی وی سیریز ‘ہوم لینڈ’ کے پاکستانی شائقین کے لیے آٹھویں اور آخری سیزن کی نویں قسط اس وقت حیران ہوئے جب انہوں نے پاکستانی اداکارعدنان جعفرکو ایکٹنگ کرتے دیکھا۔ مقبول امریکی ٹی وی سیریز ’ہوم لینڈ‘ کا آغاز اکتوبر 2011 میں ہوا تھا، جس کی مرکزی کردار کیری متھیسن ایک سی آئی اے کی اہلکار ہیں جو مختلف مشنز پر کام کرتی ہیں۔ یہ کردار امریکی اداکارہ کلیئر ڈَینز ادا کر رہی ہیں۔

رواں سال فروری میں ہوم لینڈ سیریز کا آٹھواں اور آخری سیزن شروع ہوا، جس کی نویں قسط میں پاکستان کے جنرل عزیز کا کردارعدنان جعفر نے نبھایا۔ عدنان نے اردو سے ٹیلی فون پر گفتگو میں بتایا کہ گذشتہ سال مئی میں انہیں ایک کاسٹنگ ایجنسی کاآڈیشن کے لیے واٹس ایپ پیغام موصول ہوا تھا۔

وہ چاہتے تھے کہ عدنان کچھ مکالمے ریکارڈ کر کے انہیں واٹس ایپ کر دیں۔ عدنان نے شروع میں اسے ایک مذاق سمجھا لیکن پھر بھی آڈیشن کی ویڈیو بھیج دی۔ چند ہفتوں بعد انہیں بتایا گیا کہ وہ منتخب ہو گئے ہیں، جس پر وہ خود کافی حیران ہوئے۔ عدنان جعفر پاکستانی فلم منٹو ، پرواز ہے جنون ، پروجیکٹ غازی ، پنکی میم صاحب سمیت کئی پاکستانی فلموں اور ڈراموں میں مختلف کردار ادا کرچکے ہیں۔