ملک میں کورونا سے مزید 17 اموات، ہلاکتیں 237 اور کیسز 11145 تک پہنچ گئے

237 ہلاکتوں میں سے اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 85 افراد انتقال کرچکے ہیںپاکستان میں کورونا وائرس سے  آج مزید 17 افراد جاں بحق ہوگئے جس کے بعد ملک میں مہلک وبا سے ہلاکتوں کی مجموعی تعداد 237 ہوگئی جب کہ مزید نئے کیسز سامنے آنے کے بعد مصدقہ مریضوں کی تعداد 11145 تک پہنچ گئی ہے۔

237 ہلاکتوں میں سے اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 85 افراد انتقال کرچکے ہیں۔اس کے علاوہ سندھ میں 73، پنجاب میں 65، بلوچستان میں8 جب کہ گلگت بلتستان اوراسلام آباد میں تین، تین افراد اس مہلک وائرس کے باعث ہلاک ہوئے۔

آج بروز جمعرات ملک بھر سے کورونا وائرس کے 642 کیسز رپورٹ ہوئے ہیں اور 17 ہلاکتیں بھی سامنے آئی ہیں جن میں سے سندھ میں 298 کیسز اور 4 ہلاکتیں،   پنجاب میں 177 کیسز 9 ہلاکتیں، اور  بلوچستان میں 55 کیسز 2 ہلاکتیں، خیبر پختونخوا میں 88 کیسز 2 ہلاکتیں، اسلام آباد میں 10، گلگت بلتستان میں 10 اور آزاد کشمیر میں 4 کیسز رپورٹ ہوئے۔

Coronavirus disease (COVID-19)